بعد ما ينتهي الفطور بربع ساعة تبدأ حركة ثانية بالفرجان: أبواب تنفتح، وعيال يركضون، وكبار يبون يلحقون التكبيرة. المشكلة مو بالمشوار نفسه، المشكلة بمواقف المسجد اللي تنحجز قبل الإقامة بعشر دقايق.
ليش وايد ناس يتركون سيارتهم برمضان؟
مسجد الحي بالعدان صغير ومواقفه محدودة، ولما تجي التراويح يصير الشارع كله صفين. الأسهل إن السايق ينزلك عند الباب ويمشي، وترجع تدق عليه بعد الصلاة. جذي ما تلف عشر دقايق تدور موقف ولا تخاف سيارتك تتحشر، وهذا ينفع بالذات للوالد أو الوالدة.
- نزول عند باب المسجد مباشرة
- رجعة مرتبة بعد التسليم
- مناسب لكبار السن وأصحاب الكراسي
لو تبي مسجد كبير خارج المنطقة
فيه ناس يفضلون الصلاة بمسجد معين لأجل صوت الإمام، فيطلعون من العدان لمساجد بصباح السالم والمسيلة والقرين أو أبعد. هذي المشاوير تحتاج ترتيب مسبق لأن الرجعة متأخرة والطلب يزيد بعد العشاء. رتّبها من قبل المغرب واضمن مكانك بدل ما تنتظر بالشارع.
- حدد المسجد بالاسم مو بالوصف
- اتفق على وقت الرجعة وقت الحجز
- قول العدد لو معاك أكثر من أربعة
مشوار العشر الأواخر يختلف
بالعشر الأواخر يطول الليل وتنقلب المواعيد: تروح للقيام بعد منتصف الليل وترجع قبل الفجر. حركة السيارات بهالوقت أقل بوايد والطرق فاضية، بس عدد السواق الشغالين أقل كذلك. عشان جذي احجز من قبل ولا تعتمد على اللحظة الأخيرة، ودق علينا 55025850 ونثبت لك الموعد.
