بعض المشاوير ما تنتهي عند باب المطار. المسافر يدخل، وباقي العائلة تطلع برا وتكتشف إنها تحتاج ترجع البيت — وهذي نقطة ينساها وايد ناس وقت ما يرتبون سفرهم.
احسب المودّعين مو المسافرين
الغلطة الشائعة إن الحجز يتسوى على أساس عدد المسافرين فقط. بس لو ثلاثة مسافرين وأربعة مودّعين، يعني سبع ركاب بالذهاب وأربعة بالرجعة. السيارة لازم تكون على أساس أكبر عدد، مو أقل عدد. قول الأرقام الحقيقية وقت الحجز وينتهي الموضوع.
وقت الوقوف عند المطار
إنزال المسافر عند بوابة المغادرة ما ياخذ وقت طويل عادة، وهذا مقصود لأن المنطقة تكون مزدحمة. لو العائلة تبي تدخل مع المسافر لين الكاونتر، هذا يعني وقت إضافي ولازم يكون متفق عليه من قبل مع السايق بدل ما ينتظر بمكان ممنوع الوقوف فيه.
كل شي بمكالمة وحدة
قول لنا: نطلع من العدان الساعة كذا، عدد الركاب بالذهاب كذا، وبيرجع منهم كذا للبيت. من هالمعلومة نرتب السيارة المناسبة والوقت. تواصل على 55025850 قبل بيوم، وخصوصاً لو السفر بالفجر أو بموسم الإجازات لأن الطلب يزيد.
